:-(

மயிலே உன்னை நான் மயக்கவும் இல்லை...
மனதால் என்றும் வெறுக்கவும் இல்லை..
என்னை நீ தேடி... இணைந்தது பாவம்..
எல்லாம் நீயே எழுதிய கோலம்...

இந்த நிலை காணும் பொழுது
நானும் அழுது வாழ்கிறேன்

காலத்தின் தீர்ப்புகளை யார் அறிவாறோ ....

--
#123

ஏகாந்தம்

தரையின் ஈரம் நெற்றி வரை சில்லிடுகிறது..
வெண்மேகங்கள் பார்வையை மறைக்கின்றன..
சிறு சத்தமும் எதிரொலியாய் கேட்கிறது..
உலகமே என்னை சுற்றி வருவது போல் இருக்கிறது..
வெளிச்சம் கொஞ்சமாய் கண்ணாமூச்சி காட்டுகிறது..
அருகாமையில் நடக்கும் எதுவும் என்னை கவரவில்லை..
மனது கட்டவிழ்ந்து தொலை தூரம் பறக்கிறது..


'சார் பில் பண்ணிரலாமா!!'
மெதுவா வெள்ளை சட்டையும் கருப்பு 'போ-டை'யும் கட்டிகிட்ட ஆள் வந்து கேட்டதும்தான் தோனுச்சு.. ரொம்ப நாள் கழிச்சு எல்லா பயலும் வந்திருக்காங்கன்னு உக்காந்து.. நாலு ரவுண்ட் ஜாஸ்தியா போயிருச்சு போல.. விடியக்காலையில அஞ்சரைக்கு முகூர்த்தம்.. எவன் எந்திரிக்கலைன்னாலும் நம்ம எப்படியாவது எந்திருச்சு போயிடனும்.. இல்ல, மாப்ள அசிங்கமா திட்டுவான், கிளம்பும் போதே சொல்லியனுப்பிச்சான்.. :-(

--
#122

வெற்றி / தோல்வி

6-3, 2-6, 7-6 (1), 6-1'ன்னு ஜெயிச்சு மொட்டை'யோட ஆசைய தகர்த்து Federer மறுபடியும் யூ.எஸ். ஓபன் சாம்பியன் ஆயிட்டாரு. அந்த ஆட்டம் ஆடிட்டு கடைசியில ரொம்ப சாதரணமா..
"I wonder why I always play so well, especially on the big occasions" ன்னு சொல்லிட்டு போறயே ரோஜர் கண்ணு..ம்..
மொட்டையும் பெருந்தன்மையா 'he's the best I've ever played against'ன்னு சொல்லிட்டு போயிருச்சு...
நம்மாளு தோத்துருவாருன்னு ஆரம்பத்துலயே தோணினாலும், இவ்வளவு ட்ஃப் குடுப்பாருன்னு எதிர்பார்க்கலைங்க.. செம ஆட்டம்..!!

------

'இயங்காத வாழ்க்கையில்
இன்பமில்லை.
இயங்கு. இயங்கு
மனிதனே. இயங்கு.
வெற்றியை
நோக்கியாவது - தோல்வியை
நோக்கியாவது
இயங்கிக்கொண்டே இரு.
இயக்கமே வாழ்க்கையின்
முதல் அடையாளம்.'

- வைரமுத்து (தண்ணீர் தேசம்)


--
#121

ஓரு கல்லுரியின் (வெட்டி) கதை..

அஞ்சு வருஷமா, ஒரே இடத்துல சிக்கிட்ட கேசட் மாதிரி, மனநிலை பாதிக்கப்பட்டு தவிக்கிற நண்பனுக்காக, அவன் காலேஜ்ல படிச்ச அத்தனை பேரும் சேர்ந்து மறுபடியும் ஒரு சூழல் உருவாக்கி, அதே மாதிரி காலேஜ், அதே பசங்க, அதே கலாட்டா, அதே சண்டை, அதே காதல்'ன்னு கேசட் ரீவைண்ட் செய்யிற மாதிரி செஞ்சு, அவனை குணமாக்கிற கதை.. ம்ம்.. இப்படி ரெண்டு வரியில சொல்லும் போது நல்லாத்தான் இருக்கு.. ஆனா தியேட்டர்ல உக்கார முடியலையே சாமி..
யுவன், நா.முத்துகுமார்'ன்னு ஆசைபட்டு மழையில இந்த படத்துக்கு போனதுக்கு பதிலா பேசாம வீட்டுல உக்காந்து மொட்டை ஆட்டத்தை பார்த்திருக்கலாம்.

தல செமியில நுழைஞ்சுட்டாரு.. என்ன வயசானாலும் சிங்கம் சிங்கம் தான்..!! ஒரு வேளை ஸ்டெபியக்காவோட பலத்துல பாதிய வாங்கிட்டு ஆடுறாரோ என்னவோ.. எப்படியாவது இந்த தடவை ஜெயிச்சுட்டு ரிடையர் ஆகலாம்னு இருப்பரு போல.. செமி'யில 'ரோபி'தான்.. பைனல்ஸ்ல தான் இருக்கு.. ம்ம்.. பார்ப்போம்

--
#120

நடுநிலை!!

நம்மூரு பக்கமெல்லாம் ஒரு பழமொழி சொல்லிவாங்க, எல்லாரும் கேள்விபட்டிருப்பீங்க.. 'மாமியார் உடைச்சா மண்குடம், அதே மருமக உடைச்சா பொன்குடம்'னு, அதுமாதிரி ஒரு சமாச்சாரம் தாங்க இது..

யாஹூ'வில வந்திருக்கிற ரெண்டு போட்டோ செய்தி.. ரெண்டயும் படிச்சு பாருங்க.. :-(

FINDING FOOD!





LOOTING FOOD!




எத்தனை உயிரோட பசிய தீர்க்க எடுத்துட்டு போறானோ?.. இது திருட்டு.. ஆனா மேல உள்ள படத்துல இருக்கிறது 'கண்டெடுக்கிறது'.. நல்லாயிருங்கடா..!!

வெளுப்பான அவுங்காளுக செஞ்சா ஒரு நியாயம், அதுவே கறுப்பன் ஒருத்தன் செஞ்சா அதுக்கு வேற நியாயம்.. நல்ல 'பத்திரிக்கை தர்மம்'!!

:-(

நன்றி : அதுல்
---
#119